Jýrnalıster Býrabaıdyń týrıstik áleýetimen tanysady

ASTANA. 7 aqpan. QazAqparat - 8-9 aqpan kúnderi QR Indýstrııa jáne jańa tehnologııalar mınıstrliginiń Týrızm ındýstrııasy komıtetiniń uıymdastyrýymen Qazaqstandaǵy týrızmdi damytý salasyndaǵy strategııalyq baǵdarlamalar men jobalardyń tanystyrylymyna arnalǵan baspasóz týry ótedi.

Bul týraly atalǵan mınıstrliktiń baspasóz qyzmeti habarlady.

Shara Býrabaıdaǵy Rixos Lake Borovoe halyqaralyq klastaǵy jańa qonaqúıiniń bazasynda ótedi. Oǵan qatysýshylar Býrabaı ulttyq saıabaǵynyń vızıt-ortalyǵynda, Abylaı han murajaıynda, Pantamen emdeý jáne maral ósirý sharýashylyǵy ortalyǵynda bolyp, buǵylar jegilgen saıahatty tamashalaıdy.

Týr aýqymynda «Qazaqstannyń týrıstik brendi», «Start-ap jobalary konkýrsy», «Qazaqstannyń ańyz-ápsanalary» jalpyulttyq baıqaýlarynyń ashylýyna arnalǵan baspasóz máslıhaty bolady.

Sharaǵa QR IJTM Týrızm ındýstrııasy komıtetiniń beıindik departamentteriniń basshylary qatysady. Sapar sońy dóńgelek ústelmen qorytyndylanady, onda Qazaqstanda týrızmdi damytýǵa baılanysty keń aýqymdy máseleler qozǵalady.