Jýrnalıster baıqaýy jarııalandy
ASTANA. QazAqparat - «Tehnologııalyq damý jónindegi ulttyq agenttik» aktsıonerlik qoǵamy QR Investıtsııalar jáne damý mınıstrliginiń qoldaýymen «Órleý aqparaty» atty ınnovatsııalyq taqyryptaǵy úzdik jýrnalıstik materıaldar baıqaýyn jarııalaıdy. Baıqaýǵa ótinimder 2014 jyldyń 15 qyrkúıegine deıin qabyldanady.
Konkýrsqa 2013 jyldyń 1 qazany men 2014 jyldyń 15 qyrkúıegi aralyǵynda respýblıkalyq jáne óńirlik buqaralyq aqparat quraldarynda jarııalanǵan pýblıkatsııalar, televızııalyq habarlar men sıýjetter, radıobaǵdarlamalar jáne ózge de materıaldar qabyldanady. Baıqaýǵa qatysýǵa respýblıkada tirkelgen barlyq BAQ túrleri shaqyrylady. Bıylǵy jyly nomınatsııalardyń tizimi birshama keńeıtilip, jalpy sany 21-ge jetti: Merzimdi basylymdar arasynda: «Respýblıkalyq basylymda qazaq tilinde jarııalanǵan úzdik materıal»; «Respýblıkalyq basylymda orys tilinde jarııalanǵan úzdik materıal»; «Óńirlik basylymda qazaq tilinde jarııalanǵan úzdik materıal»; «Óńirlik basylymda orys tilinde jarııalanǵan úzdik materıal». TV arasynda: «Qazaq tilindegi úzdik televızııalyq baǵdarlama»; «Orys tilindegi úzdik televızııalyq baǵdarlama»; «Qazaq tilindegi úzdik taldamalyq sıýjet»; «Orys tilindegi úzdik taldamalyq sıýjet»; «Qazaq tilindegi úzdik aqparattyq sıýjet»; «Orys tilindegi úzdik aqparattyq sıýjet». Internet-basylymdar arasynda: «Qazaq tilindegi úzdik ınternet materıal»/«Qazaq tilindegi úzdik bloger»; «Orys tilindegi úzdik ınternet materıal»/«Orys tilindegi úzdik bloger»; «Qazaq tilindegi úzdik aqparattyq-taldamalyq materıal»; «Orys tilindegi úzdik aqparattyq-taldamalyq materıal». Radıolar arasynda: «Qazaq tilindegi úzdik radıobaǵdarlama»; «Orys tilindegi úzdik radıobaǵdarlama»; Jalpy/arnaıy nomınatsııalar: «Úzdik suhbat»; «Úzdik ocherk»; «Úzdik fotomaterıal»; «Taqyrypqa adaldyǵy úshin» (ınnovatsııalyq taqyryptaǵy úzdik sholýshy). Budan basqa 1 mln.teńge kóleminde «Innovatsııalyq taqyrypty jarııalaý salasyndaǵy úzdik BAQ» Gran-prı taǵaıyndalǵan.
