Jýrnalıster arasyndaǵy shaǵyn fýtboldan S.Berdiqulov atyndaǵy týrnırde «QazAqparat» agenttiginiń shyǵarýshy redaktory Erbol Janat «Úzdik shabýylshy» atandy
ASTANA. QazAqparat - Búgin halyqaralyq sport jýrnalısteri kúni merekesine oraı QR Mádenıet jáne sport mınıstirliginiń uıymdastyrýymen BAQ ókilderi arasynda shaǵyn fýtboldan Seıdahmet Berdiqulovty eske alýǵa arnalǵan týrnır ótti.
Týrnırge «QazAqparat» agenttiginiń komandasymen birge «Astana» telearnasy, «Áljan», «Qazaqstan Ulttyq arnasy», «Kazkontent», «Qazmedıa», «Habar Astana», «POLK-TV», «OQO», «Almaty quramasy», «Qyzyljar», «24 KZ», «Egemen Qazaqstan» gazeti, «Assotsıatsııa», «National Geographic», «Habar Almaty», «Evrazııa TV», «Qazaq radıosy», «KazSport» telearnasynan quralǵan jalpy 19 komanda qatysqan bolatyn.
Týrnır qorytyndysynda «Habar Astana» komandasy birinshi oryndy jeńip aldy. «Almaty quramasy» ekinshi orynǵa ıe boldy. Úshinshi orynda - OQO komandasy.
"Qazaqparat» halyqaralyq agenttiginiń komandasy tórtinshi orynnan kórindi. Al agenttiktiń shyǵarýshy redaktory Erbol Janat «Úzdik shabýylshy» syılyǵymen marapattaldy.
Esterińizge sala keteıik, qazaq sport jýrnalıstıkasynyń kórnekti ókili Seıdahmet Berdiqulovty eske alýǵa arnalǵan shaǵyn fýtbol týrnıri jyl saıyn jýrnalıster arasynda ótedi. Bıyl osymen 19-shi ret ótken bul dúbirli dodany QR Mádenıet jáne sport mınıstrligi uıymdastyryp otyr.
Seıdahmet Berdiqulov 1933 jyldyń 9 mamyrynda Almaty oblysy, Jambyl aýdanyndaǵy Qaraqastek qystaǵynda dúnıege kelgen. Qazaqstandaǵy sport juldyzdarynyń tabystaryn nasıhattaýǵa eńbek sińirgen. 1956 jyly QazMÝ-diń jýrnalıstıka fakýltetin bitirgen. 1965 - 1970 jyldary «Qazaqstan pıoneri» basylymynyń redaktory. 1970 - 1986 jyldary «Lenınshil jas» (qazirgi «Jas alash») gazetiniń redaktory, 1986 - 1994 jyldary «Jalyn», «Balaýsa» baspalarynyń dırektory bolǵan. Shyǵarmalary: «Sol oramal joǵalmaıdy» (1965), «Júrek uıyqtaýdy bilmeıdi» (1967), «Egeýli naıza» (1969), «Jumyr jerde teńbil dop» (1969), «Aspannan shuǵa jaýǵan kún» (1975), «Muńaıyp oıanǵan qala» (1979), «№3 podezd» (1980), «Perdesiz kóńil» (1983), «Arbaǵan máni bir sıqyr» (1987).
