Jýrnalıster arasynda ótken Ýnıversıada týraly úzdik materıal baıqaýynyń jeńimpazdary anyqtaldy
ASTANA. QazAqparat - Qazaqstan baspasóz klýbynda 2017 jylǵy Qysqy ýnıversıadaǵa daıyndyq barysy jáne elimizde buqaralyq sporttyń damýy týraly jarııalanǵan eń úzdik materıal úshin Qazaqstan Respýblıkasy jýrnalısteri arasyndaǵy baıqaý jeńimpazdaryn marapattaý saltanaty ótti.
Baıqaýǵa barlyǵy 149 ótinim kelip túsken bolatyn. Qazylar alqasy Ýnıversıadanyń daıyndyq kezeńi týraly BAQ betterinde kóptegen materıaldar jarııalanǵanyn atap ótti. Jumystardy baǵalaý kezinde qazylar alqasy avtorlardyń is-sharany jan-jaqty qarastyra otyryp habar taratqanyna, sondaı-aq, jarııalanymdardyń ózektiligi men aıǵaqtylyǵyna mán berdi.
Baıqaýdyń kelesi qatysýshylary jeńimpaz atandy:
1. «Baspa BAQ betterindegi eń úzdik jarııalanym» atalymynda materıaldar toptamasy úshin:
- ıÝrıı Lıfıntsev, «Kazahstanskaıa pravda» respýblıkalyq gazetiniń jýrnalısi;
- Ǵalym Súleımenov, «Aıqyn» respýblıkalyq gazetiniń jýrnalısi.
2. «Eń úzdik televızııalyq sıýjet» atalymynda Ýnıversıada-2017 is-sharasyna arnalǵan sıýjet avtorlary:
- Maqsat Erjan «Qazaqstan» RTRK «Aıtýǵa ońaı» baǵdarlamasy úshin;
- Serik Sultanǵazıev «NTK» telearnasyndaǵy «Revıý» baǵdarlamasy úshin.
3. «Eń úzdik radıomaterıal» atalymynda:
- Maqsat Aıdabolov «Avtoradıo» jańalyqtaryndaǵy «Ýnıversıada-2017» aıdaryndaǵy baǵdarlama toptamasy úshin;
- Tatıana Raý - «NS» radıosyndaǵy «Ognı bolshogo goroda» baǵdarlamasy úshin.
4. «Áleýmettik jelilerdegi eń úzdik jarııalanym» atalymynda:
- Albert Ahmetov Yvision.kz portalyndaǵy jarııalanymdar toptamasy úshin;
- Bek Tóleýov Baq.kz saıtyndaǵy jarııalanymdar toptamasy úshin.
5. «Aqparattyq agenttikterdegi eń úzdik jarııalanym» atalymynda is-shara týraly keshendi ári shyǵarmashylyq turǵyda habar taratqany úshin:
- Aınash Hametjanova, «Tengrinews» aqparattyq agenttigi;
- Aqsáýle Ábitaı, «7kun.kz» aqparattyq agenttigi.
6. «Óńirlik BAQ betterindegi eń úzdik jarııalanym» atalymynda:
- Ǵabıt Saparbekov, «Ońtústik Qazaqstan» gazeti;
- Asqar Aǵataev, «Ognı Mangystaý» gazeti.
Baıqaýǵa belsendi qatysqany úshin Marına Pestrıakova («Vechernıı Almaty» gazeti), Seıithan Amankeldi («Qazaqstan» TRK), Aıtpaı Jandos («Habar» TRK) jáne Erqanat Kópjasaruly («Qazaq radıosy») alǵys hatpen marapattaldy.
"Turǵyndardyń sportshylarymyzdyń jetistikteri týraly habardar bolýy buqaralyq aqparat quraldarynyń kásibı deńgeıi men jumys tıimdiligine táýeldi, osylaısha búgingi sportshylarymyzdy úlgi tutatyn bolashaq chempıondar legi ósip tárbıelenedi", - dep atap ótti 2017 jylǵy Almatydaǵy 28-shi Dúnıejúzilik qysqy ýnıversıadaǵa daıyndalý jáne ótkizý jónindegi dırektsııa basshysy Naıl Nýrov baıqaý jeńimpazdaryn quttyqtaı otyryp.
