Jýrnalıster arasynda ótken baıqaýdyń jeńimpazdary marapattaldy
STANA. Mamyrdyń 17-si. QazAqparat /Jasulan Amanbaıuly/ - Astanada otbasy, genderlik saıasat taqyrybyna arnalǵan jýrnalıster arasyndaǵy baıqaýdyń jeńimpazdary anyqtaldy,
dep habarlaıdy QazAqparat.
Baıqaýda Astanadaǵy otbasylyq-demografııalyq saıasatty júzege asyrý týraly taqyryptardy joǵary deńgeıde kótere bilgen «Úzdik baspasóz» jáne «Úzdik jýrnalıst» ataǵyna laıyqtylar anyqtaldy. Sonymen qatar «Otbasy -shaǵyn memleket» jáne «Semıa - ıacheıka obşestva» atalymdarynda úzdik maqala avtorlary syı-syıapatqa bólendi.
Astana qalasy ákimdiginiń Áıelder isteri jáne otbasylyq-demografııalyq saıasat jónindegi komıssııasynyń hatshysy Lázzat Qusaıynovanyń atap kórsetkenindeı, atalmysh baıqaýdyń maqsaty - qoǵam arasynda genderlik teńdik saıasatty jáne otbasylyq qundylyqtardy nasıhattaý bolyp tabylady.
«Otbasy taqyryby qasıetti de ósıetti taqyryp. Sebebi árbir adamnyń ómiri osy otbasydan bastalady. Sondyqtan buǵan maqalalardy ushy-qıyrsyz, sheksiz arnaı berýge bolady», deıdi L. Qusaıynova.
«Úzdik jýrnalıst» atalymy boıynsha, «Nur Astana» jáne «Ekspress K» gazetteriniń tilshileriniń attary ataldy. Al «Otbasym» otbasylyq jýrnaly men Astana jáne Qazaq radıosynyń baǵdarlamalary «Úzdik basylym» ataǵyna laıyq dep tanyldy.
«Otbasy -shaǵyn memleket» atalymynda «Alash aınasynyń» jáne «Qazaqstan áıelderiniń» jýrnalısteri marapattalsa, «Semıa - ıacheıka obşestva» atalymynda syılyq «Ekspress K» men «Strana ı mır» jýrnalısterine buıyrdy.
