Jýrnalıster arasynda ótken baıqaýdyń jeńimpazdary anyqtaldy

  dep habarlaıdy QazAqparat.

Konkýrs nashaqorlyq pen esirtkige qarsy úgit-nasıhat jumysyna belsendi aralasqan tilshiler men korrespondetter arasynda ótkizildi.

«Nashaqorlyqqa qarsy úgit-nasıhatqa jáne Qazaqstanda salaýatty ómir saltyn qalyptastyrýǵa BAQ ókilderiniń atsalysýy atalmysh áleýmettik kóriniske qarsy jasalǵan kúrestiń eń tıimdi tásili», deıdi uıymdastyrýshylar. Baıqaýdyń negizgi oı-maqsaty BAQ ókilderin osy bir iske yntalandyrý, olardyń belsendiligin arttyrý.

 Baıqaý birneshe atalym boıynsha jeńimpazdardy anyqtady. Nashaqorlyq taqyrybyn qozǵaǵan úzdik telebaǵdarlama, telefılmder men reportajdar atalymynda birinshi oryndy Dmıtrıı Dvoınov «Esirtki  tasqyny» fılmi úshin alsa, ekinshi oryndy Talǵat Kirbetov,  úshinshi oryndy Almagúl Qalıeva aldy.

 Úzdik radıobaǵdarlama, radıoreportaj atalymynda birinshi oryndy «Bozbala men esirtki» baǵdarlamasy úshin Erken Syzdyqov ıelendi, ekinshi-úshinshi oryndarda Ulaǵat Hanzadaev pen Olga Ashojına.

 Úzdik tele, radıorolıkter atalymy boıynsha bas júldeni Gúlvıra Bekqulıeva qanjyǵasyna baılady. Aısulý Mýsına ekinshi, Arman Maqanov úshinshi oryndy bólisti.

 Al «Nashaqorlyqqa qarsy eń tıimdi naýqan» boıynsha Natalıa Naýmova úzdik atandy.

 Basylymdarda jaryq kórgen maqalalardyń ishinde Natalıa Denısovanyń «Shyrmaýyq» atty maqalasy úzdik atandy. Lázzat Kemelbaevanyń «Túrmeden taǵy esirtki tabyldy» maqalasy men Faına  Sapojnıkovanyń «Ine  ushyndaǵy  peıish» maqalasy tıisinshe ekinshi, úshinshi oryndar aldy.