Jýrnalıster arasynda ótetin «Nur Suńqar» baıqaýyna ótinim qabyldaý bastaldy

NUR-SULTAN. QazAqparat - Jýrnalıster arasynda jyl saıyn ótetin «Nur Suńqar» respýblıkalyq baıqaýy bastaldy, dep habarlaıdy «Nur Otan» partııasynyń baspasóz qyzmeti.

Qazirgi tańda «Nur Suńqar» syılyǵy – qazaqstandyq jýrnalısterdiń eń úzdik shyǵarmalaryna beriletin otandyq medıa salasyndaǵy bedeldi marapattardyń biri. Syılyq otandyq BAQ pen jýrnalıstıkanyń damýyna serpin berýdi kózdeıdi.

Baıqaýǵa elimizdiń qoǵamdyq-saıası taqyryptaǵy, ekonomıkalyq, rýhanı jańǵyrý jáne partııanyń baǵdarlamalyq qujattary men jobalaryn iske asyrýǵa arnalǵan, sondaı-aq partııa men onyń Kóshbasshysy N.Á. Nazarbaevtyń qyzmeti jaıly materıaldar qabyldanady.

Baıqaý sharty boıynsha 2019 jyldyń 1 qyrkúıegi men 2020 jyldyń
18 maýsymy aralyǵynda jaryq kórgen ártúrli janrdaǵy: ocherk, suhbat, maqala, tele jáne radıohabar, jýrnalıstik zertteý materıaldary qabyldanady.

Baıqaý jumystary qazaq jáne orys tilinde tapsyrylady. Ótinishter 2020 jyldyń 19 mamyry men 18 maýsymy aralyǵynda Nur-Sultan ýaqytymen saǵat 23:00-ge deıin qabyldanady.

Jeńimpazdar 9 atalym boıynsha anyqtalady:

· «Televızııa úzdigi» – úzdik televızııalyq jýrnalıst;

· «Ushqyr qalam» – úzdik gazet jýrnalısi;

· «Únjarııa» – radıonyń úzdik jýrnalısi;

· «QazNet úzdigi» – ınternet basylymnyń úzdik jýrnalısi»;

· «Partııanyń «qaıta jandanýy» boıynsha úzdik materıal»;

· «Elbasy salǵan sara jol» – Elbasy qyzmetin úzdik jaryqqa shyǵarǵany úshin;

· «Blogosfera úzdigi» – áleýmettik jelidegi úzdik jarııalanym;

· «Alǵy shep» – Tótenshe jaǵdaıdy jarııa etý boıynsha qajyrly eńbegi úshin;

· «Biz birgemiz» – volonterlik jumys týraly úzdiń jarııalanym;

Jeńimpazdar Baılanys jáne aqparat qyzmetkerleri kúni qarsańynda marapattalady. Baıqaý jeńimpazdaryna aqshalaı júlde men baǵaly syılyqtar tabystalady.

Baıqaý erejesimen partııanyń saıtynan tanysýǵa bolady. Al materıaldardy uıymdastyrý komıtetiniń [e-mail] elektrondy poshtasyna joldaı alasyz. Qosymsha suraqtar boıynsha 8 776 777 09 22 nómirine Seıt Aısholpanǵa habarlasýǵa bolady.