Jýrnalıster arasynda «Qazaqstan - 2010 jylǵy EQYU tóraǵasy» atty baıqaý jarııalandy

ASTANA. Naýryzdyń 1-i. QazAqparat /Jasulan Amanbaıuly/ - «Media life» qoǵamdyq qory jáne elordalyq jýrnalısterdiń «Tańat» klýby tilshiler arasynda «Qazaqstan - 2010 jylǵy EQYU tóraǵasy» atty baıqaý jarııalady,

dep habarlaıdy QazAqparat.

Shara barysynda Qazaqstannyń EQYU-ǵa tóraǵalyǵy kezeńin, nátıjeleri jaıynda, Uıymnyń demokratııalandyrý isi men qaýipsizdik salasyndaǵy jetistikteri jóninde jazylǵan jarııalanymdar men beınesıýjetter arasynan úzdikteri tańdalyp alynady. Eńbekter 2010 jylǵy jeltoqsan aıynyń 5-ine deıin qabyldanady.

Uıymdastyrýshylardyń aıtýynsha, baıqaý buqaralyq aqparat quraldarynyń Qazaqstannyń EQYU-ǵa tóraǵalyq etýi kezinde Qazaqstan men Eýropa keńistigindegi qatynastar jóninde sapaly jáne kásibı deńgeıde jergilikti jáne halyqaralyq qoǵamdy shynaıy aqparattandyrýǵa jumyldyrýǵa septesedi.

Baıqaýǵa Syrtqy ister mınıstrligi, EQYU-nyń Astanadaǵy ortalyǵy qoldaý kórsetip otyr.