Jýrnalıster arasynda "Islam jáne beıbitshilik" degen taqyrypta shyǵarmashylyq baıqaý jarııalaydy
ALMATY. 5 tamyz. QazAqparat /Erlik Erjanuly/ - Búgin Almatyda"Fattach finance" AQ-nyń qoldaýymen "Zańǵar" shyǵarmashylyq birlestigi jýrnalıster arasynda "Islam jáne beıbitshilik" degen taqyrypta shyǵarmashylyq baıqaý jarııalady.
Tamyzdyń 16-18 kúnderi ótetinIV respýblıkalyq "Qalamger-Azamat" jas tilshiler forýmy aıasynda tusaýy kesilgen bul sharaǵa jas ereksheligine qaramaı merzimdi basylymdardyń, radıo jáne telearnalar men ınternet saıttardyń jýrnalısteri men blogerler qatysa alady.
"Baıqaýǵa "Qazaqstandaǵy ıslamdyq qarjylandyrý jáne onyń keleshegi men damýy", "Islamdyq týrızm", "Aqyldy qajylyq", "Halal ındýstrııasy" máseleri jóninde merzimdi, elektrondy jáne ınternet basylymdarynda jarııalanǵan materıaldar qabyldanady. Onda Bas júldege 150 myń, 1-orynǵa 100 myń, 2-orynǵa 75 myń, 3-orynǵa 50 myń teńge jáne 5 jýrnalıske yntalandyrý júldesi beriledi. Onda qazaq jáne orys tilindegi materıaldar jeke-jeke baǵalanady jáne olardyń júldesiniń kólemi birdeı bolmaq", - deıdi "Fattach finance" AQ-nyń Basqarma tóraǵasy Zaratqazy Nurpeıisov. Onyń aıtýynsha, elimizde ıslamdyq qarjylandyrý arnaıy zań qabyldanyp, arnaıy bank qurylsa da buqaralyq aqparat quraldarynda ol jetkilikti dárejede túsindirilip jatqan joq. Álemdik qarjylyq-ekonomıkalyq daǵdarys kezinde birde-bir ıslamdyq qarjy uıymdary óz jumysyn toqtatqan joq. Qarjy júıesiniń turaqtylyǵymen álem nazaryn ózine eriksiz aýdartty. Qazaqstan halqynyń 70 paıyzy musylman dininde bolǵandyqtan, ıslam týrızmi men "aqyldy qajylyq" máselesiniń buqaralyq aqparat quraldarynda jan-jaqty kórinis tabýy qajet.
