Jýrnalıster arasynda «Aqparat barysy» týrnıri ótedi
ASTANA. QazAqparat - Qazaqstannyń buqaralyq aqparat quraldary arasynda «Aqparat barysy» týrnıri ótýi múmkin. Bul týraly búgin Ortalyq kommýnıkatsııalar qyzmetindegi baspasóz máslıhatynda «Qazaqstan barysy» qazaq kúresin damytý qorynyń tóraǵasy Arman Shoraev aıtty, dep habarlaıdy QazAqparat.
Biraz áriptesterimmen sóılesip, bıyl «Aqparat barysyn» ótizetin boldyq. Múmkin jýrnalıstıka kúnine oraılastyrarmyz. Áıteýir, daıyndalyńyzdar. 20 mıllıon bolady dep aıta almaımyn. Biraq, qomaqty júlde qory bolaryn bile júrińizder. Ony Mádenıet jáne sport mınıstrligi qoldap jatsa, amandyq bolsa ótkizemiz», - dedi Arman Shoraev BAQ ókilderiniń saýalyna oraı.
Osy rette Mádenıet jáne sport mınıstri Arystanbek Muhamedıuly buqaralyq aqparat quraldary ókilderiniń arasynda qazaq kúresinen jarys uıymdastyrylatyn bolsa, qoldaý kósretýge daıyn ekenin aıtty.
Biz sporttyń ár túrinen jarys ótkendigin keńinen qoldaımyz. Máselen, buqaralyq aqparat quraldary arasynda Seıdahmet Berdiqulov atyndaǵy fýtboldan jarys ótedi. Biraq, jýrnalıster kóbine bılıardtan jarys ótkenin jaqsy kóredi. Endi sizder «Aqparat barysy» kerek deseńizder mınıstrlikter jan-jaqty qoldaý kórsetetin bolady», - dedi Arystanbek Muhamedıuly.
Aıta keteıik, elimizde alǵash ret beldesý kúresinen «Halyq barysy» respýblıkalyq týrnıri 7-8 mamyr kúnderi Almatyda, ashyq aspan aıasynda ótedi.
Bul básekege kez kelgen azamat qatysa alady.
