Jýrnalıst Toqbergen Ábıev qoǵam men bıliktiń nazaryn aýdartý úshin óziniń joǵalýyn ózi uıymdastyrǵan - Astana qalalyq ІІD
ASTANA. 1 qańtar. QazAqparat - 2012 jyldyń 31 jeltoqsany kúni shuǵyl-izdestirý is-sharalarynyń nátıjesinde elordalyq ІІD qyzmetkerleri Astana qalasyndaǵy páterlerdiń birinen iz-túzsiz joǵalǵan jýrnalıst,
www.abiyev.kz jekemenshik aqparattyq-quqyqtyq portalynyń jetekshisi, «Halyqtyq jemqorlyqqa qarsy komıtet» QQ prezıdentiniń orynbasary Toqbergen Ábıevtiń ornalasqan jerin tapty. Bul týraly búgin Astana qalasynyń Іshki ister departamentinen málim etti.
Joǵalǵan jýrnalısti izdep-tabýǵa Astana jáne Almaty qalalary men oblystardyń Іshki ister departamentteriniń barlyq jeke quramy jumyldyryldy, sondaı-aq onyń fotosýreti men syrtqy belgileri bar málimetter barlyq BAQ-tarǵa taratyldy. Adam ólimi boıynsha qylmystyq is qozǵaldy.
Keshendi shuǵyl-izdestirý is-sharalaryn júrgizý barysynda tilshi osy ýaqytqa deıin dim aman jasyrynyp kelgen páter anyqtaldy. Onyń ózimen birge noýtbýgy jáne uıaly telefony bolǵan.
S.T.Ábıevtiń bergen túsiniktemelerinen, ol joǵalýdy qoǵam men bılik organdarynyń nazaryn óziniń qyzmetine aýdartý úshin ózi uıymdastyrǵany belgili boldy.
