Jýrnalıst ólimi: Prokýror múrdege eksgýmatsııa jasaýdy surady
ASTANA. QazAqparat - Ótken jyly kisi qolynan qaza tapqan Irına Beketovanyń múrdesine eksgýmatsııa jasaý qajet. Búgin Astana qalalyq Saryarqa sotynda ótken sot tyńdalymy barysynda prokýror Qazybek Hashıev osyndaı málimdeme jasady, dep habarlaıdy QazAqparat tilshisi.
Aıta keterligi, búgingi sot otyrysy barysynda kýáger Ateshauly men Omarov qaıǵyly oqıǵanyń qalaı oryn alǵandyǵyn aıtyp bergen bolatyn.
Ateshauly kúdikti A.Gýseınovtiń Irına Beketovany úıiniń kireberisinde oń jaq betinen uryp jibergenin, alaıda jábirlenýshiniń baspaldaqtan tómen qaraı qulap túskenin kórmegendigin aıtty. Biraq, qaza tapqan I.Beketovanyń shúıde tusynda jaraqat izderi bolǵan. Al sot-medıtsınalyq saraptama derekterinde mundaı jaraqattyń bolǵandyǵy kórsetilmegen. Osy jaıtqa oraı prokýror Qazybek Hashıev sot-medıtsınalyq zertteý júrgizý úshin Irına Beketovanyń múrdesine eksgýmatsııa júrgizý qajettigin aıtty.
Biraq, qaza tapqan Irına Beketovanyń aǵasy Berik dinı kózqarasyna baılanysty mundaı zertteý jumysyna qarsy ekendigin jetkizdi.
Eske salaıyq, tilshi Irına Beketovanyń ólimine azamattyq nekedegi kúıeýi 34 jastaǵy Anatolıı Gýseınovti kúdikti retinde tanydy.
Olardyń ortaq nekeden eki balasy bar.
ІІM-niń málimetinshe, A.Gýseınov jýrnalıst kelinshekti úıdiń kireberisinde ózge er adammen turǵanyn kórgen. Beketova men Gýseınov arasynda urys-keris bastalǵan. Kelinshektiń tanysy ol jerden ketip bara jatyp, áıeldiń soqqyǵa jyǵylyp jatqanyn estigen. Qaıta aınalyp, joǵary kóterilgende es-tússiz jatqan áıeldi kórip, jedel járdem shaqyrǵan. Bul ýaqytta Gýseınov belgisiz baǵytqa boı tasalaǵan.
