Jýrnalıst Luqpan Ahmedııarovqa shabýyl jasaǵandar ustaldy
ASTANA. 22 jeltoqsan. QazAqparat - Oral qalalyq soty jýrnalıst Luqpan Ahmedııarovqa shabýyl jasady degen aıyp taǵylǵan BQO-nyń tórt turǵynyn qamaýǵa alýǵa ruqsat etti,
dep habarlaıdy BNews.kz tilshisi oblystyq sottyń baspasóz qyzmetine silteme jasaı otyryp.
Bultartpaý sharasyn qoldaný týraly qoldaýhatty sotqa tergeý organdary joldaǵan. Tergeý bul qylmys asa aýyr sanatqa jatady dep sanaǵan. Kúdiktiler isti tergeý jumysyna kedergi keltirip, sondaı-aq qylmystyq izdeý organdarynan jasyrynýy múmkin.
«Qamaýǵa alynǵan azamattarǵa QR QK 2-bólimi 96-baby boıynsha aıyp taǵyldy. Olardyń jasy 24-26 aralyǵynda. Olardyń biri osy jyly bir adamǵa dene jaraqatyn salyp, sońy qaıǵyly aıaqtalǵan qylmys boıynsha da aıyptalýda», - dedi Oral qalalyq sotynyń tóraǵasy Ǵalymjan Ishanov.
Eske sala ketsek, «Oral aptalyǵy» gazetiniń jýrnalısi Luqpan Ahmedııarovqa aǵymdaǵy jyldyń 19 sáýirinde shabýyl jasalǵan bolatyn. Jýrnalısti 8 jerden pyshaqtap, 3 ret oq atqan.
