Jýrnalıst L. Ahmedıarovqa qatysty qylmys jasaǵan kúdiktiler izdestirilýde - ІІM
ASTANA. 25 sáýir. QazAqparat - Іshki ister organdary Oral qalasynyń turǵyny, jýrnalıst Luqpan Ahmedııarovqa qatysty qylmys jasady degen kúdikpen eki jas jigitti izdestirýde.
Bul týraly búgin QR ІІM baspasóz qyzmetiniń basshysy Nurdildá Oraz málim etti.
«Іshki ister organdary Oral qalasynyń turǵyny Luqpan Ahmedıarovqa qatysty qylmys jasaldy degen kúdikpen syrt-kelbeti azııalyq, jasy 18-20 aralyǵyndaǵy, boılary 170-175 sm bolatyn jas jigitterdi izdestirýde. Qylmys jasaǵan sátte kúdiktiniń bireýi aq lampasy (lampas-shalbar) bar qara tústi sporttyq kıim kıgen. Shabýyl jasaǵan ekinshi qylmyskerdiń erekshi belgisi - ol qara tory», - dedi brıfıng barysynda Nurdildá Oraz.
Eske sala keteıik, budan buryn habarlanǵandaı, Oralda 19 sáýir kúni saǵat 22:10 shamasynda «Ýralskaıa nedelıa» gazetiniń tilshisi, 1975 jylǵy Luqpan Ahmedıarovqa (Molodejnyı kóshesi 1/3 mekenjaıyndaǵy úıi mańynda) áldeneshe ret pyshaq suǵyp, boljam boıynsha «OSA» travmatıkalyq pıstoletinen eki ret oq atqan. Oblys prokýratýrasynyń baspasóz qyzmetinen habarlaǵanyndaı, L.Ahmedıarov jedel járdem kóligimen oblystyq klınıkalyq aýrýhanaǵa jetkizilip, oǵan shuǵyl medıtsınalyq kómek jasaldy. Qazirgi kezde oblystyń quqyq qorǵaý organdarynyń tájirıbeli qyzmetkerlerinen jedel tergeý toby qurylyp, jumys jasaýda. Qylmysty jasaǵan adamdar izdestirilýde. QR QK 24-baby 3-bólimi jáne 96-baby 1-bólimi boıynsha (qasaqana adam óltirýge oqtalý) qylmystyq is qozǵaldy. Oblys prokýrory qylmystyq isti tergeý barysyn erekshe baqylaýǵa aldy.
