Jýrnalıst Kozachkovtyń ustalýy: Qarjylyq monıtorıng agenttiginiń aqparaty tekseriledi

ASTANA. QazAqparat – QR Bas prokýratýrasy jýrnalıst Mıhaıl Kozachkovtyń ustalýyna baılanysty Qarjylyq monıtorıng agenttik taratqan baspasóz habarlamasynyń zańdylyǵyn tekseredi, dep habarlaıdy QazAqparat tilshisi.

«Bizde soty úkimi shyqqanǵa deıin tulǵa kináli emes bolyp dep sanalady. Kúdik máni – tutqyndaý boldy, ony bárińizde kórdińizder. Jekelegen máselelerge, baspasóz habarlamasyna qatysty aıtar bolsam, tekserý júrgizilip jatyr», - dedi Bas prokýrordyń orynbasary Áset Shyndalıev vedomstvonyń bıylǵy jumysyn qorytyndylaýǵa arnalǵan baspasóz máslıhatynda BAQ ókilderiniń saýalyna oraı.

Óz kezeginde Bas prokýrordyń birinshi orynbasary Tımýr Táshimbaev tekserý jekelegen fakti boıynsha júrgizilip jatqanyn naqtylaı tústi.

Buǵan deıin habarlanǵandaı, 18 jeltoqsan kúni Qarjy monıtorıngi agenttigi Mıhaıl Kozachkovty uıymdasqan qylmystyq topqa kómek kórsetti degen kúdikpen ustady.

Keıin Almatynyń tergeý soty jýrnalıst Mıhaıl Kozachkovty eki aıǵa qamaý týraly sheshim shyǵardy.