Jýrnalıst, qoǵam qaıratkeri Jasaral Qýanyshalın dúnıeden ozdy
ALMATY. QazAqparat - Jýrnalıst, qoǵam qaıratkeri Jasaral Qýanyshalın 75 jasqa qaraǵan shaǵynda ómirden ótti, dep habarlaıdy QazAqparat tilshisi.
Jasaral Qýanyshalın 1949 jyly 7 sáýirde Aqtóbe oblysynyń Qarabutaq aýdanynda dúnıege kelgen.
1966-1967 jyldary Aqtóbe qalasyndaǵy №7 PTÝ-da «avtokran mashınısi» mamandyǵynda oqyǵan.
1972-1978 jyldary Kırov atyndaǵy QazMÝ-dyń fılologııa fakýltetin «orys tili men ádebıeti oqytýshysy» mamandyǵymen támmadady.
1998 jyly ál-Farabı atyndaǵy Qazaq ulttyq ýnıversıtetiniń zań fakýltetin syrttaı bitirgen. Mamandyǵy - zańger.
1994-1995 jyldary Qazaqstan Joǵarǵy keńesiniń depýtaty bolǵan.
Qazaqstan Jýrnalıster odaǵynyń múshesi.
BAQ betterinen belgili bolǵandaı, ol 16 mamyr kúni aýrýhananyń jansaqtaý bólimine túsken.
Búgin tústen keıin Jasaral Qýanyshálındi dárigerler jasandy tynys apparatyna jalǵaǵan, alaıda júregi shydamaǵan.
