Jýrnalıst, QazAqparattyń burynǵy shef-redaktory Baǵdat Іlııasova ómirden ótti
ASTANA. QazAqparat – Jýrnalıstıka salasynda 50 jyldan astam eńbek etken, sonyń ishinde on jyldan astam QazAqparattyń shef-redaktory bolǵan Baǵdat Іlııasova ómirden ozdy, dep habarlaıdy QazAqparat tilshisi.
Qazaqstannyń jýrnalıstıka salasynyń ardageri 80 jasqa qaraǵan shaǵynda Baǵdat Іlııasova qaıtys boldy.
Baǵdat Áýbákirqyzy Іlııasova 1943 jyly dúnıege keldi. Aqmola qalasynyń týmasy. Joǵary bilimdi. S. Kırov atyndaǵy Qazaq memlekettik ýnıversıtetin jýrnalıstıka mamandyǵy boıynsha, sondaı-aq, M. Lomonosov atyndaǵy Máskeý memlekettik ýnıversıtetin de jýrnalıstıka mamandyǵy boıynsha támamdaǵan.
Atalǵan salada 50 jyldan astam qyzmet etti. Eńbek jolyn «Molodoı tselınnık» atty ólkelik gazette korrektor bolýdan bastady (1962-1965 jj).
Odan keıin ár jyldary «Tselınogradskaıa pravda» gazetinde ádebı qyzmetker, redaktor, hattar bóliminiń jetekshisi, sholýshy, bas redaktordyń orynbasary qyzmetin atqardy. 2005-2016 jyldary «QazAqparat» halyqaralyq aqparat agenttiginde eńbek etti.
Baǵdat Áýbákirqyzy agenttikte jumys istegen jyldary ózin joǵary kásibı maman, adal qyzmetker retinde tanytty. Ujymda ózin jaıly jan retinde kórsete bildi. Áriptesimiz ujymda óte syıly ári qurmetti adam boldy.
B. Іlııasova birneshe ǵylymı maqalanyń avtory. Atap aıtqanda, «M. Lomonosov atyndaǵy Máskeý memlekettik ýnıversıteti jáne S. Kırov atyndaǵy memlekettik ýnıversıtet jınaǵy». Belsendi jumysshy jáne eren eńbegi úshin alǵys hatpen marapattalǵan.
QazAqparat ujymy Baǵdat Áýbákirqyzynyń otbasy men jaqyndaryna qaıǵyra kóńil aıtady.
