Jýrnalıst Elbasynan alǵan syıaqysyn qaıyrymdylyq qoryna aýdarmaq
«Búgin syılyqty tabystaýdyń dástúrli sharasyn buzǵym kelip tur. Men naýqas balalarǵa qoldaý kórsetý úshin alǵan syıaqymdy «Meıirimdik» qaıyrymdylyq qoryna aýdarǵym keledi. Qordy meniń áriptesim jýrnalıst Arýjan Saın basqarady. Beıbitshilik salasyndaǵy syılyǵyn atalǵan qorǵa aýdaryp, 29 balany qutqaryp qalǵan qurmetti Prezıdentimizden úlgi alǵym keldi. Olarǵa shuǵyl ota jasalǵan bolatyn. Bul shaǵyn ǵana úlesi shyǵar. Degenmen, kóptegen bala kómekke muqtaj. Biz Memleket basshymyzdan úlgi alýǵa tıispiz», - dedi Maıra Abrahmanova.
Aıta keteıik, búgin Aqordada QR Memleketti hatshysy Gúlshara Ábdiqalyqova «Habar» agenttiginiń menshikti tilshisi Abdrahmanova Maıra Qabıqyzyna Qazaqstannyń jahandyq bastamalaryn jan-jaqty jarııalap-kórsetkeni úshin QR Prezıdentiniń BAQ salasyndaǵy syılyǵyn tabystaǵan bolatyn. Syılyqtyń aqshalaı júldesi 3 mln teńgeni quraıdy.