Jýrnalıst Dıego Maradonanyń áıeline kóz qysqany úshin taıaq jedi
ASTANA. QazAqparat - Argentınanyń dańqty fýtbolshysy Dıego Maradona jýrnalısti betinen shapalaqpen salyp jiberdi, dep jazady RIA «Novostı».
Fýtbolshy uly Dıego Fernando jáne onyń anasy Veronıka Oheda úsheýi teatr qoıylymyn tamashalap, qaıtyp bara jatqan jolynda jýrnalısterdiń «qorshaýynda» qalǵan. Suhbat alý kezinde reporterlerdiń biri fýtbolshynyń áıeline ymdap, kóz qysqan. Osy sátti baıqap qalǵan Maradona jýrnalısti shapalaqpen betten salyp jibergen.
Bul Maradonanyń alǵashqy oqıǵasy emes. Byltyr mamyr aıynda ol birneshe jýrnalıske qol kóterip, artynan ańdyǵan fotograftarǵa tas laqtyrǵan bolatyn.
