Jýrnalıst almatylyqtardy merekelik sharalardy ótkizbeýge shaqyrady
ALMATY. QazAqparat – Aqyn, aýdarmashy, jýrnalıst Zamanbek Ábdeshev almatylyqtardy merekelik sharalardy ótkizbeýge shaqyrady, dep habarlaıdy QazAqparat tilshisi.
«Koronavırýs ınfektsııasy bizde ǵana emes, búkil álemde taraldy. Epıdemııa óte qaýipti. Basynda kóptegen adamdar senbedi, ártúrli dálelder, pandemııa joq degen pikirler boldy. Adamdar jappaı aýyrǵan kezde ǵana sene bastady. Bir aı buryn vırýstyq ınfektsııadan kóptegen sóz sheberlerin joǵalttyq», - deıdi Zamanbek Ábdeshev.
Zamanbek Ábdeshev qazir ár adamnan ómirge qatysty keıbir kózqarastardy qaıta qaraýdy talap etetin ýaqyt keldi dep sanaıdy.
«Biz qıyn kezeńdi bastan ótkerdik. Qazir jaǵdaı birshama bosańsyp ketti. Biraq, bul tizgindi jiberýge sebep emes. Qazaqtar qansha kópshil bolsa da, toı jasaýdy unatsa da, munyń bárine qaıta, basqasha qaraıtyn ýaqyt keldi. Qazirgi ýaqytta barlyq saqtyq sharalaryn saqtaý, maska taǵý, qashyqtyqty saqtaý, qoldy dezınfektsııalaý qajet. Sonymen qatar, múmkindiginshe úıden shyqpaýǵa, adamdar kóp jınalatyn oryndarǵa barýdan bas tartýǵa bolady. Munyń bári eń aldymen ózi úshin, jaqyndarynyń, týystarynyń jáne bolashaq urpaqtyń densaýlyǵy men ál-aýqaty úshin jasalady», - deıdi aqyn.
Sonymen qatar, ol koronavırýs ınfektsııasymen kúreste aldyńǵy shepte júrgen dárigerlerdiń eńbegin atap ótti.
«Men dárigerlerge bas ıemin. Kóptegen dárigerler, medbıkeler birneshe aı boıy úıinen alys boldy. Aýrýhanalarda túnep, indetpen kúresti. Biz óz tarapymyzdan dárigerlerge kómektesip, olardyń jumysyn jeńildetýge, úlesimizdi qosýymyz kerek. Sanıtarlyq talapty saqtaý arqyly koronavırýsty jeńemiz dep esepteımin», - dedi Zamanbek Ábdeshev.
