Júrgizýshiler 9 oblys joldarynda saq bolýy kerek - Qazavtojol
ASTANA. KAZINFORM - Búgin Aqmola, Abaı, Almaty, Pavlodar, Qaraǵandy, Jetisý, Soltústik Qazaqstan jáne Shyǵys Qazaqstan oblystarynda jańbyr aralas qar jaýyp, keı jerlerde qar kútiledi, dep habarlaıdy Qazavtojol mekemesi.
Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin.
-Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz,-delingen Qazavtojol mekemesi taratqan habarlamada.
Aıta keteıik, osyǵan deıin Qazgıdromet 22 qazanda eldiń birneshe óńirde kún kúrt buzylatynyn eskertken bolatyn.
