Júrgizýshi kýáliginen aıyrylǵandarǵa moped minýge bola ma — maman jaýaby

ASTANA. KAZINFORM — Qazir elorda aýmaǵynda 1300-den astam moped resmı tirkeldi. 

Mopedti zańdastyrý týraly tolyǵyraq Astana qalasynyń Polıtsııa departamentiniń ákimshilik polıtsııa basqarmasynyń memlekettik avto-ınspektory Bekmurat Ergesh aıtyp berdi.

— Kýálik bolmaǵan jaǵdaıda nemese júrgizýshi kýáliginen aıyrylǵan jaǵdaıda mopedti basqarýǵa tyıym salynady, — dep qysqa qaıyrdy Bekmurat Ergesh Astana qalasy kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, elordada jyl basynan beri moped júrgizýshilerdiń qatysymen tórt kólik apaty boldy. 

— Olardyń jıi jasaıtyn quqyq buzýshylyq qataryna, jaıaý júrginshiler ótetin jerde erejeni saqtamaý, baǵdarshamnyń tyıym salynǵan túsinen ótip ketý. Tórt kólik apaty jaǵdaıynda da mopedshi kináli. Jol erejelerin buzǵany úshin Ákimshilik quqyq buzýshylyq kodeksine sáıkes jaýapkershilik qarastyrylǵan, — deıdi ol.

Búginge deıin elordada resmı 1341 moped tirkelip, kýálik berildi. 

Aıta keteıik, el aýmaǵynda bıyl 5 sáýirge deıin mopedterdi resmı tirkeý mindeti qoıyldy. Osy oraıda tirkemegenderge qandaı jaýapkershilik kózdelgenin jazǵan bolatynbyz. 

Birneshe kún buryn Almatyda mopedterdi tirkeý protsesine reıd júrgizildi. 

Eske salaıyq, jol erejesin buzǵan moped júrgizýshilerine jaza qatańdatylady.