Júrgizýshi kýáligine emtıhandy jeke uıymdar qabyldaı ma? ІІM jaýap berdi
ASTANA. KAZINFORM — Áleýmettik jelilerde avtomektepterdi esepke alý jáne oqý toptaryn tirkeý, sondaı-aq kólik quraldaryn basqarý quqyǵyn alýǵa arnalǵan emtıhandardy qabyldaý fýnktsııalary jeke uıymdarǵa beriledi degen aqparat taralyp jatyr.
Jalǵan aqparatqa qarsy is-qımyl ortalyǵynyń (JAQ) resmı arnasynyń málimetinshe, bul aqparat shyndyqqa sáıkes kelmeıdi.
— QR Іshki ister mınıstrliginiń Ortalyqqa bergen aqparatyna sáıkes, kólik quraldaryn basqarý quqyǵyn alýǵa arnalǵan emtıhandardy qabyldaý fýnktsııasyn jeke uıymdarǵa berý máselesi qarastyrylmaıdy. Avtomektepterdi esepke alý jáne oqý toptaryn tirkeý memlekettik fýnktsııalar bolyp qala beredi. Qazaqstan Respýblıkasynyń «Jol júrisi týraly» Zańynyń 77-babyna sáıkes atalǵan fýnktsııalar ІІM balansyndaǵy «Avtomektep» memlekettik aqparattyq júıesi arqyly júzege asyrylady, — delingen habarlamada.
Ortalyq azamattardy resmı aqparatty basshylyqqa alýǵa jáne jurtshylyqty jańylystyrýy múmkin rastalmaǵan málimetterdi taratpaýǵa shaqyrady.
Aıta keteıik, avtomektep jumysyna qatysty jańa talaptar engizilýi múmkin. Májilis maquldaǵan zań jobasy júrgizýshilerdi daıarlaý sapasyn arttyryp, jol qaýipsizdigin kúsheıtýdi kózdeıdi. Kazinform tilshisi sarapshylarmen birge bastamanyń qanshalyqty tıimdi bolatynyn talqylady.
