«Júrgizýshi kýáligin alyp beremin»: Túrkistan oblysynda adamdardy aldap, aqsha alyp kelgen adam ustaldy

TÚRKІSTAN. KAZINFORM –  Túrkistan oblysynda «Júrgizýshi kýáligin alyp beremin» dep alaıaqtyq jasaǵan er adamnyń isi áshkere boldy.

Saıram aýdandyq Polıtsııa basqarmasynyń qyzmetkerleri alaıaqtyqqa qatysty qylmystyq quqyq buzýshylyqty jasaǵan er adamdy ustady.

Belgili bolǵandaı, jumyssyz kúdikti er adam tanysyna «júrgizýshi kýáligin alyp beremin» dep jalǵan ýáde bergen. Jábirlenýshiden aldyn ala 200.000 teńge aqshasyn alyp, aldap kelgen. Al aqshany jeke basynyń paıdasyna jaratqan. Tártip saqshylary kúdiktiniń budan basqa da dál osyndaı alaıaqtyqtyń 2 faktisine qatysy baryn anyqtady.

«Keltirilgen shyǵyn kólemi – 600 myń teńgeden astam. Qazirgi tańda er adamǵa qatysty sotqa deıingi tergeý amaldary júrgizilip jatyr», - delingen Túrkistan oblysy PD baspasóz qyzmeti habarlamasynda.

16 jastaǵy shymkenttik esirtki jarnamalaǵany úshin alty jylǵa sottalýy múmkin ekenin jazǵan bolatynbyz.