Júrgizýshi kýáligi: Qazaqstanda emtıhan tapsyrý kezinde jańa ereje engizilmek

ASTANA. KAZINFORM – «Azamattarǵa arnalǵan úkimet» memlekettik korporatsııasy júrgizýshi kýáligine teorııalyq emtıhan tapsyrýdyń jańa rásimin engizbekshi. Endi bolashaq júrgizýshiler eki faktorly aýtentıfıkatsııadan ótýi kerek. Bul týraly Qaraǵandy oblystyq ákimdiginiń baspasóz qyzmeti málim etti.

Jańa talapqa saı emtıhan tapsyrýshylar eki faktorly aýtentıfıkatsııadan ótetin bolady. Bul jeke tulǵany rastaýdyń eki túrli ádisin qamtý tásili: birinshisi — SMS arqyly, ekinshisi — bıometrııalyq sáıkestendirý.

«Testileý bastalar aldynda kórsetiletin qyzmetti alýshyǵa 1414 nómirinen derbes derekterge qol jetkizýge suraý salý habarlamasy kelip túsedi. Aıta keteıik, SMS elektrondyq úkimet portalynyń jeke kabınetinde tirkelgen telefon nómirine jiberiledi», — delingen habarlamada.

Avtorızatsııadan sátti ótkennen keıin júrgizýshige úmitker bıometrııalyq sáıkestendirýden ótýi kerek.

Jańashyldyq búginnen bastap kúshine endi, biraq ázirge tek Astanada. Elimizdiń barlyq mamandandyrylǵan HQKO-larynda jańa rásimdi engizýdi jyl sońyna deıin aıaqtaý josparlanýda.

Eki faktorly aýtentıfıkatsııa emtıhandardaǵy buzýshylyqtardyń sanyn azaıtýǵa kómektesýi kerek.