Júrgizýshisiz taksıler iske qosylady
ASTANA. QazAqparat - Jeke avtomatıkalyq kólik, ıaǵnı bolshaqtyń qalalyq kóligi dep atalyp ketken «júrgizýshisiz taksı» aldaǵy eki jylda Dýbaıda paıda bolady. Bul týraly BAÁ-niń Gulf News atty gazeti habarlady.
PRT júıesi - ol avtomatty túrde (júrgizýshisiz) belgilengen joldardyń jelisin paıdalana otyryp, jolaýshylardy taksı rejiminde tasymaldaıtyn joǵary tehnologııalyq qalalyq kólik bolyp tabylady. Osy tektes júıeni ázirleý jumystary 1953 jyly bastalǵan bolatyn, alaıda ony engizýge qozǵalys qaýipsizdigindegi keıbir kemshilikter tejep keldi. Qazirgi kezde álemde kóliktiń osy túri tek londondyq Hıtroý áýejaıynda ǵana qyzmet etýde. Bul júıe jolaýshylar úshin 2010 jyly iske qosylǵan bolatyn. Búginde ol BAÁ astanasy Ábý-Dabıde testilik tártipte qoldanylýda.
