Júrgizýshisi joq KamAz eki avtokólikti soqty
QARAǴANDY. QazAqparat - Júrgizýshisiz KamAz yldıdan syrǵyp ketip, «jaıaý júrginshiler» jol belgisi men qoqys jáshigin talqandap, eki avtokólikti soqty, dep habarlaıdy «QazAqparat» HAA tilshisi.
Iesiz qozǵalǵan aýyr júk kóligi Qaraǵandy kóshelerine birshama materıaldyq shyǵyn keltirdi.
«Kommýnaldyq menshiktegi qoqys jáshigi men aǵashtardy, jol belgisin búldirgeni úshin júrgizýshi jaýap beredi», - dedi Qaraǵandy ákimdiginiń abattyndyrý bólimi.
Qaraǵandy oblysynyń ishki ister departamenti baspasóz qyzmeti jetekshisiniń mindetin ýaqytsha atqarýshy Batyrhan Smaılovtyń aıtýynsha, atalmysh jol-kólik oqıǵasy boıynsha QR QK 345-baby boıynsha (Kólik quraldaryn basqaratyn adamdardyń jol júrisi nemese kólik quraldaryn paıdalaný erejelerin buzýy) tergeý amaldary bastalǵan.
