Júrgizýshisi joq avtobýs: Apattan zardap shekkenderge 1 mln teńge aýdaryldy
ALMATY. QazAqparat - Almatyda qoǵamdyq kólik apatynan zardap shekken bala otbasyna materıaldyq kómek kórsetildi, dep habarlaıdy QazAqparat tilshisi.
Aıta ketsek, Almatyda júrgizýshisi joq avtobýs anasy men balasyn qaǵyp ketkeni týraly buǵan deıin habarlaǵan bolatynbyz.
Búginde tasymaldaýshy «BaTý travel» kompanııasy 1 mıllıon teńge aýdaryp úlgerdi. Qajettilik týǵan jaǵdaıda qosymsha shyǵyndardy da óteýge daıyn.
«Qazir quqyq qorǵaý organdary bolǵan oqıǵanyń mán-jaıyn anyqtaýda. Avtobýs júrgizýshisi tergeýge alyndy. Al Qalalyq mobıldilik basqarmasy tasymaldaýshyǵa tıisti dárejede qyzmet kórsetpegeni úshin aıyppul saldy. Mekeme basshylyǵy qyzmettik tekserý júrgizbek jáne avtobýs júrgizýshisi qyzmetinde eskertý alǵandardyń tizimine engizildi.
