Júrgizýshilerge jol polıtsııasynyń jumysy jóninde anketa toltyrý usynylady
ASTANA. 29 qarasha. QazAqparat - Búgin Astana qalasynyń jol polıtsııasy «Nur Otan» Halyqtyq-demokratııalyq partııasymen birge «Jol boıynda qabyldaý» respýblıkalyq aktsııasyn ótkizýde, dep habarlaıdy elordanyń resmı saıty qalalyq jol polıtsııasy basqarmasynyń baspasóz qyzmetine silteme jasaı otyryp.
Kúni boıy jol ústindegi qaýipsizdik týraly túsindirý jumystary júrgiziledi. Sonymen qatar, aktsııa aıasynda júrgizýshilerge jol polıtsııasy qyzmetkerleriniń zańdylyqtar men azamattardyń konstıtýtsııalyq quqyqtaryn saqtaý máseleleri mazmunyndaǵy anketalar toltyrý usynylady.
Aktsııa qaladan shyǵarda jáne qalaǵa kirerdegi barlyq alty «Rýbej» statsıonarlyq jol qosynynda, sondaı-aq, Promzona, 35 jáne Jańa jol, 6 meken-jaıy boıynsha tirkelý-synaq tapsyrý bólimderinde ótýde.
