Júrgizýshilerge kólikte temeki shegýge tyıym salynbaq
ASTANA. QazAqparat - Reseı jastar odaǵy jol júrý erejesine jańa bap engizýdi usyndy. ıAǵnı kólik júrgizýshisi rýlde otyryp, temeki shekpeýi tıis. Osy usynys Memlekettik Dýma komıtetiniń tóraǵasy Evgenııa Moskvıchke jiberildi.
Bul týraly uıymnyń baspasóz qyzmetine siltememen khabar.kz habarlady.
Jastar uıymynyń málimetinshe, jol-kólik apatynyń deni kólik júrgizýshilerdiń qaýipsizdik erejesin durys saqtamaýynan bolady.
«Kóp jaǵdaıda kólik júrgizýshileriniń qateliginen qaıǵyly oqıǵalar oryn alyp jatady. Júrgizýshiler temeki shegip, bolmasa telefonmen sóılesip, jol apatyna tap bolady. Sondyqtan kólikte temeki shegýge bolmaıtyndyǵy týraly jańa bap engizý kerek», - deıdi olar.
Statıtıstıka boıynsha, ótken jyly Reseıde 200 myńnan astam jol-kólik oqıǵalary oryn alǵan. Sonyń ishinde 250 myńǵa jýyq adam zardap shegipti.
