Júrgizýshilerge arnalǵan qazaqstandyq mobıldi navıgator jasaldy

ASTANA. QazAqparat - QR Indýstrııa jáne ınfraqurylymdyq damý mınıstrligi «QazAvtoJol» kompanııasymen birlesip respýblıkalyq mańyzy bar avtojoldardaǵy qaýipsizdikti arttyrý jáne keri baılanysty jaqsartý maqsatynda Sapar mobıldi qosymshasyn ázirledi, dep habarlaıdy QazAqparat.

Qosymshany PlayMarket jáne AppStore-dan júktep alyp, paıdalanýǵa bolady.

Mobıldi qosymshada navıgatsııasy bar marshrýtty salý fýnktsıonaly qoljetimdi, avtojoldardyń aǵymdaǵy jaı-kúıi, trassalardyń ashylýy/jabylýy, aınalma joldar, jóndeý jumystary, meteojaǵdaı týraly ózekti aqparat bar.

Respýblıkalyq joldardyń boıynda ornalasqan jol boıyndaǵy servıs obektileri týraly búkil ózekti aqparat jınaldy.

Aqyly jol ýchaskeleri boıynsha jol júrý teńgerimin tolyqtyrýǵa múmkindik bar.

QazAvtoJoldyń koll-ortalyǵyn jyldam terý fýnktsııalary, sondaı-aq baılanys ortalyǵyna JKO, joldardyń avarııalyq ýchaskesi, qozǵalys kezindegi kedergi týraly mátin, foto jáne vıdeo túrinde habarlaý múmkindigi kózdelgen.