Júrgizýshilerdiń jolda júrý mádenıetine basa nazar aýdarý kerek - Ákimshilik polıtsııa komıtetiniń tóraǵasy
ASTANA. 29 qazan. QazAqparat - Barlyq jol-kólik oqıǵalarynyń 90 paıyzy kólik júrgizýshileriniń kinásinen bolyp jatady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR ІІM Ákimshilik polıtsııa komıtetiniń tóraǵasy Igor Lepeha aıtty.
«Atap aıtqanda bizdiń júrgizýshilerdiń jol júrý erejesine, ákimshilik zańnamaǵa degen qatynasy, sondaı-aq júrgizýshilerdiń ózara syılastyǵy turǵysynda úlken problema bar. Búginde barlyq jol-kólik oqıǵalarynyń 90 paıyzy kólik júrgizýshileriniń kinásinen bolyp jatady. Jol qozǵalysynyń qatysýshylary retinde barshamyz bir-birimizge syılastyqpen qaramaıynsha jáne erejelerdi durys saqtamaıynsha - bul baǵyttaǵy ahýaldyń túzelýi ekitalaı»,-dedi ol.
Komıtet basshysynyń aıtýynsha, júrgizýshilerdiń kinásinen bolǵan barlyq jol-kólik oqıǵalarynyń ishinde 24 paıyzy jyldamdyq rejimin buzýǵa qatysty bolyp otyr. Dál osy jol erejesin buzý áreketteriniń saldary óte aýyr.
Esterińizge sala keteıik, bıylǵy 11 qazanda QR Úkimetiniń keńeıtilgen otyrysynda Elbasy Nursultan Nazarbaev jol-kólik oqıǵalary saldarynan adamdardyń mert bolýy kórsetkishteriniń ósýine alańdaýshylyq bildirgen edi. «Qarańyzdar, ótken jyly joldarda 2145 adam qaza tapty. Osy jyldyń 9 aıynda 2273 adam mert boldy», - dedi QR Prezıdenti otyrys barysynda. Al jaraqat alǵandar - 22 myńǵa jetken. Sonymen qatar Elbasy jol erejesin buzýshylarǵa qatysty zań talaptaryn kúsheıtý qajettigin basa aıta kele: «Rólge mas kúıinde otyrǵan júrgizýshi - qylmysker. Ony bizde bar zańmen barynsha qatań jazalaý kerek nemese bul zańdardy kúsheıtý qajet», - dedi.
«Bul - baryp turǵan tártipsizdik. Adamdardan aıyrylýdamyz. Biz mynda olardy emdep, olardyń sanyn ári ómir súrý uzaqtyǵyn arttyrǵymyz keledi. Al jolda olar mert bolýda»,- dedi Elbasy.
