Júrgizýshiler avtoturaqqa tólemeý úshin nómirlerin alyp tastap júrgen
ALMATY. QazAqparat - Almaty polıtsııasy avtoturaqqa tólemeý úshin memlekettik nómirin sheship ketip otyrǵan júrgizýshilerdi anyqtady, dep habarlaıdy QazAqparat tilshisi «Almaty SpetsTehParkıng Servıs» JShS-ne silteme jasap.
Búgin Abylaıhan men Panfılov kósheleri qıylysynda, Qazaq-Brıtan tehnıkalyq ýnıversıteti janyndaǵy aqyly turaqta turǵan kólikterge reıd jasaldy. Turaqta nómirsiz turǵan nemese durys qoıylmaǵan kólikterdi evakýatorlar alyp ketti.
«Qala turǵyndarynyń aryz-shaǵymynan soń demalys kúnderi ákimshilik polıtsııa ókilderimen birge jańa belgiler qoıyp shyqtyq. Múmkindigi shekteýli júrgizýshilerge arnap turaq oryndaryn qaıta belgiledik», - dedi kompanııa ókilderi.
Olardyń aıtýynsha, zańbuzýshylyqtyń kópshiligi osy qıylysta tirkeledi.
