Júrgizýshi kýáliginiń fotosyn 80 myń teńgege satpaq bolǵan tarazdyq ustaldy
TARAZ. QazAqparat – Taraz turǵynyna júrgizýshi kýáliginiń fotosýretin 120 myń teńgege satqan alaıaq áıel «túpnusqasyn» 80 myń teńgege satpaq bolǵan, dep habarlaıdy QazAqparat tilshisi.
Tarazda «Azamattarǵa arnalǵan úkimet» memlekettik korporatsııasy» KEAQ avtokólik ıelerine arnalǵan mamandandyrylǵan bólimine (mamandandyrylǵan HQKO) júrgizýshi kýáligin qalpyna keltirý úshin 27 jastaǵy jergilikti turǵyn keledi, ol telefonnan kýáliginiń sýretin kórsetip, belgisiz jaǵdaılarda joǵaltyp alǵanyn habarlady.
Alaıda bul azamatty QR ІІM aqparattyq resýrstary boıynsha tekserý kezinde Jambyl oblysy PD ÁPB protsessıng ortalyǵynyń qyzmetkerleri onyń eshqashan júrgizýshi kýáligin almaǵanyn anyqtady.
Saýalnama barysynda jas jigit messendjer arqyly belgisiz áıel teorııalyq jáne praktıkalyq emtıhandarsyz júrgizýshi kýáligin daıyndap berýge ýáde bergenin aıytqan. Osy qyzmet úshin ol kartaǵa 125 myń teńge aýdarǵan. Biraq áıel júrgizýshi kýáliginiń sýretin ǵana jiberip, «túpnusqaǵa» taǵy 80 myń teńge talap etken.
Atalǵan derekke qatysty Qazaqstan Respýblıkasy Qylmystyq kodeksiniń 190-baby 2-bóligi (Aqparattyq júıeni paıdalanýshyny aldaý nemese senimin teris paıdalaný arqyly jasalǵan alaıaqtyq) boıynsha sotqa deıingi tergeý amaldary bastaldy.
