Júrgizýshi kýáligine baj salyǵy qymbattady ma - mınıstrlik jaýaby
ASTANA. QazAqparat - QR Іshki ister mınıstrligi júrgizýshi kýáligine baj salyǵynyń qymbattaýy týraly habardy teriske shyǵardy, dep habarlaıdy QazAqparat.
«WhatsApp jelisi arqyly taraǵan júrgizýshi kýáligin aýystyrǵanda salynatyn baj salyǵynyń qymbattaýy týraly aqparat shyndyqqa janaspaıdy. Salyq kodeksine sáıkes, bekitilgen baj salyǵy bir aılyq eseptik kórsetkishtiń (1 AEK = 2 405 teńge) 1,25 protsentin quraıdy. ıAǵnı, 2 405 * 1,25 = 3006,25 teńge», - dep jazdy QR ІІM Ákimshilik polıtsııa komıtetiniń baspasóz hatshysy Irına Lýkıanına-Kostereva Facebook paraqshasyna.
Buǵan deıin WhatsApp-ta belgisiz bireýler júrgizýshi kýáligin aýystyrǵanda salynatyn baj salyǵynyń 20 myń teńgege deıin qymbattaıtyny týraly habar taratqan.
«Júrgizýshi kýáligin kez kelgen yńǵaıly ýaqytta aýystyrýǵa bolady. Kýáliktiń merzimi bitkende ǵana medıtsınalyq tekserýden ótý talap etiledi. Kýálikti aýystyrýda jolda júrý erejelerinen synaq tapsyrý mindettelmeıdi. Barlyq memlekettik qyzmet kórsetý máseleleri boıynsha 1414 nómirine habarlasýǵa bolady nemese memlekettik organdardyń resmı ınternet-resýrstaryna júginýge bolady», - dep jazdy Irına Lýkıanına-Kostereva.
