Júrgizýshi kýáligin zańsyz jasap kelgen qostanaılyq polıtseıler ustaldy
QOSTANAI. QazAqparat - Rýdnyı qalalyq sotyna ІІB ákimshilik polıtsııasynyń burynǵy qyzmetkerlerine qatysty is tústi, dep habarlaıdy QazAqparat tilshisi.
Іs materıaldaryna súıensek, Rýdnyı qalalyq ІІB ákimshilik polıtsııasynyń tirkeý-emtıhan bóliminiń burynǵy bastyǵy P. men onyń orynbasary Sh. 2017 jyldyń jeltoqsany men 2018 jyldyń qańtar aıynda qyzmettik dárejelerin paıdalanyp, para alyp kelgen.
«Olar jeke jáne zańdy tulǵalarǵa jedel ári kedergisiz júrgizýshi kýáligin alýǵa múmkindik jasaǵan. Tıisinshe, zańsyz qarajat berýshi tarap is júzinde testileýden ótip, praktıkalyq emtıhan tapsyrmaǵan», - delingen oblystyq sottyń baspasóz habarlamasynda.
Osylaısha, ákimshilik polıtsııasynyń burynǵy qyzmetkerleri QR QK 366-babynyń 3-bóligi, 2,4 tarmaǵy boıynsha aıyptalýda. Atalǵan iske qatysty sot otyrysy 9 sáýirde ótedi.
