Júrgizýshi kýáligin satyp aldym dep maqtanǵan qyzdyń máselesi tekserilip jatyr - ІІB
TALDYQORǴAN. QazAqparat - Almaty oblysy Іshki ister departamenti áleýmettik jelide júrgizýshi kýáligin «satyp alǵanyna» máz bolǵan 20 jastaǵy qyzǵa baılanysty túsinik berdi, dep habarlaıdy QazAqparat tilshisi.
Eske sala keteıik, Instagram jelisinde 20 jastaǵy boıjetken ózine «júrgizýshi kýáligin satyp alyp bergenin» aıtyp, osy úshin ákesine alǵysyn jetkizgen edi. «Osy fakti boıynsha qyzmettik tekserister bastalǵany ras. Talǵar aýdanynda turatyn qyzdyń 2013-2015 jyldar aralyǵynda júrgizýshiniń eki jyldyq kýrsyn oqyǵany anyqtalyp otyr», - delingen baspasóz qyzmetiniń habarlamasynda.
Polıtsııa qyzmetkerleriniń aıtýynsha, boıjetken kýálik alý úshin synaqty qosymsha daıyndyqtan ótkennen soń, ekinshi múmkindiginde ǵana tapsyra alǵan.
«Qazirgi kezde tekserýler jalǵasyp jatyr. Onyń barysynda barlyq jaǵdaılar eskeriletin bolady», - delingen baspasóz baıanynda.
