«Júrgizýshi kýáligin satyp aldym» dep maqtanǵan qyzdyń emtıhan sátindegi vıdeosy paıda boldy
TALDYQORǴAN. QazAqparat - Polıtsııa «Júrgizýshi kýáligin satyp aldym» dep maqtanǵan qyzdyń emtıhan tapsyryp jatqan kezindegi vıdeosyn jarııalady, dep habarlaıdy QazAqparat tilshisi.
Almaty oblystyq ІІD baspasóz qyzmeti joldaǵan beınejazbada boıjetkenniń emtıhan tapsyryp jatqan sátin kórýge bolady. Mamandardyń aıtýynsha, 20 jastaǵy qyz bala 11 naýryzda synaqtan ótken. Sondaı aq joldanǵan beınejazbada Áıgerim emtıhan shartyna sáıkes, kólik júrgizedi.
Esterińizge sala keteıik, «júrgizýshi kýáligi» tóńiregindegi daý áleýmettik jelide 12 naýryzda bastaldy. Instagram jelisindegi paraqshasynda boıjetken «júrgizýshi káýligin satyp aldym» dep maqtanyp jazyp, ákesine alǵysyn bildirgen edi. Bul jeli qoldaýshylardyń narazylyǵyn týdyryp, arty tekseriske ulasqan bolatyn.
Artynsha turǵyn bul áreketi úshin polıtseılerden keshirim suraýǵa májbúr boldy. Eldi dúrliktirgen jaıt, áli tekserilip jatyr.
Buǵan deıin habarlaǵanymyzdaı, Talǵar qalasynyń 20 jastaǵy turǵyny kýálik alý úshin synaqty qosymsha daıyndyqtan ótkennen soń, ekinshi múmkindiginde ǵana tapsyra alǵan. Odan soń «júrgizýshi kýáligin satyp aldym» dep maqtanǵan qyz polıtseılerden keshirim surady .
