Júrgizýshi kýáligin alýshylardy testten «ótkizýmen» aınalysqan qylmystyq top quryqtaldy

ASTANA. QazAqparat - Qostanaı oblysynyń polıtsııa qyzmetkerleri júrgizýshi kýáligin alýǵa emtıhan qabyldaýmen aınalysatyn qylmystyq topty áshkereledi, – dep habarlaıdy QazAqparat Polisia.kz saıtyna silteme jasap.

Júrgizýshi kýáligin alýshylardan emtıhan qabyldaý qyzmetin tenderden jeńip alǵan JShS ókilderi kýálikti emtıhan nátıjesine emes «syıaqyǵa» berip otyrǵan. Ol úshin arnaıy jospar qurylǵan. Ol boıynsha kýálik alýshylar emtıhanǵa múldem kelmeıtin bolǵan.

Al qylmystyq top múshelerin ustaýǵa oblystyń joldaryndaǵy apatty jaǵdaılarǵa júrgizilgen taldaý jumystarynyń nátıjesi negiz bolǵan. Apatty jaǵdaılardy taldaǵan polıtsııa keıingi ýaqytta kólik apattarymen qatar onyń saldarynyń aýyr bolý jaǵdaılary da jıilep ketkenin anyqtaǵan.

Onyń sebebin izdegende jol-kólik oqıǵalarynyń basym kópshiligi júrgizýshilerdiń qarapaıym talaptardy bilmeýinen bolǵany anyqtaldy. Kóp jaǵdaıda bul jol apattarynyń sany men saldarynyń aýyr bolýyna áser etken.

Máselen, jyl basynda Rýdnyı qalasynda Chevrolet Cobalt avtokóliginiń 9 jastaǵy júrgizýshisi Audi avtokóligimen soqtyǵysty. Tekserý kezinde júrgizýshiniń tájirıbesi 1 aıdan da aspaıtyn bolyp shyqty. Saldarynan Audi jolaýshysy aýyr dene jaraqatyn aldy. Yqtımal sybaılas jemqorlyq shemasyn anyqtaý boıynsha arnaıy operatsııa júrgizý týraly sheshim qabyldandy.

– 12 sáýir kúni Qostanaıda osy qylmystyq áreketke qatysty kúdikti bes adam ustaldy. Emtıhan alýshylar aqyly túrde júrgizýshi kýáligin berip otyrǵan, test tapsyrýshy bolsa, emtıhandy 40 mınýtta emes, 5 mınýtta tapsyratyn bolǵan. Kóbisi memlekettik tildi bilmese de, testti sol tilde tapsyrǵan. Qazirgi ýaqytta qajetti alǵashqy tergeý áreketteri, sonyń ishinde dálelderdi bekitýge baǵyttalǵan sanktsııalanǵan izdeýler júrgizilip jatyr. Bank kartalary, 1 mln teńgeden astam qolma-qol aqsha, kompıýterlik tehnıka, flesh-kartalar, telefondar men qujattar tárkilendi. Sondaı-aq tintý barysynda kúdiktilerdiń birinen 12 kalıbrli patrondar men tirkelmegen tegis uńǵyly myltyq tárkilendi, – dedi Qostanaı oblysy PD bastyǵy Erlan Omarbekov.

Arnaıy operatsııa oblystyq prokýratýranyń qadaǵalaýymen júrgizildi. Іs-shara barysynda osylaısha myńnan astam adam emtıhan tapsyrǵany anyqtaldy. Polıtsııa qylmystyq toptyń barlyq múshelerine qatysty sotqa deıingi tergeýdi bastady.