Júrgizýshi kýáligin almaq bolǵan aqtóbelik 400 myń teńgesinen aıyryldy
AQTÓBE. QazAqparat – Aqtóbede júrgizýshi kýáligin almaq bolǵan 32 jastaǵy turǵyn 400 myń teńgesinen aıyryldy, dep habarlaıdy QazAqparat tilshisi.
Aqtóbe qalalyq polıtsııa bólimine 32 jastaǵy turǵyn aryzdandy. Ol 30-qyrkúıekte beıtanys adamǵa senip, «júrgizýshi kýáligin alýǵa kómektemesin» degen usynysyn qabyldaǵan. Sóıtip ınternet bankıng arqyly 400 myń teńge aqsha aýdardy.
«32 jastaǵy er adam aldanyp qaldy. Polıtsııa qyzmetkerleri kúdiktini anyqtady, ol 27 jastaǵy aqtóbelik bolyp shyqty. Mundaı jaǵdaı jıi kezdesedi. Máselen, 28 jastaǵy turǵyn zeınetkerge jer ýchaskesiniń qujattaryn rásimdep beremin dep, habarsyz qaldy. Sóıtip 72 jastaǵy aqtóbelikti aldap soqqan. Eki jaǵdaıǵa qatysty Qylmystyq kodekstiń «Alaıaqtyq» baby boıynsha is qozǵaldy», - dedi oblystyq PD baspasóz qyzmetiniń jetekshisi Erbolat Sarqulov.
