Júrgizýshi qasaqana adamdy myjyp ótip, qaıyrylmastan taıyp turdy - VIDEO
ASTANA. QazAqparat - Youtube-te máskeýlik Ý561OT197 memlekettik nómirli BMW kóliginiń júrgizýshisi jol erejesin saqtamaǵany jóninde eskertý jasaǵan egde jastaǵy adamdy qasaqana basyp ótip, miz baqpastan oqıǵa ornynan taıyp turǵan qatygez júrgizýshiniń áreketi túsirilgen vıdeo paıda boldy. Beınejazbany olardyń artyn ala toqtaǵan kóliktiń beınekamerasy túsirip alǵan.
Zardap shegýshi Nissan avtokóligin basqaryp kele jatqan. Baǵdarshamǵa aıaldaǵan tusta ol artyna kelip toqtaǵan kólikke jaqyn kelip, óz narazylyǵyn bildiredi. Soǵan qaraǵanda eki júrgizýshi oǵan deıin joldy bólise almaǵan syńaıly. Biraq egde adam BMW júrgizýshisin balaǵattap nemese qol jumsaǵan joq, sabyrly túrde áldeneni eskertti.
«Jaýap» retinde BMW júrgizýshisi óz kóligine qaıtyp bara jatqan er adamdy qasaqana basyp óte shyqty da, ótip baryp toqtap, kóliginen shyqty. Biraq ol japa shegýshige kómektesý úshin emes, óz kóligine zaqym kelgen-kelmegenine kóz jetkizý úshin shyǵypty. Qylmysker jerde jatqan adamǵa qaramastan ketip qalady.
Beınerolık avtory jol patrýldik qyzmetkerlerine jazbany kórsetkenin aıtady. Qylmyskerdiń aty-jóni anyqtalyp, izdeý salyndy.
