Júrgizýshi qasaqana 19 adamdy qaǵyp ketti
ASTANA. QazAqparat - Dúısenbi kúni Qytaıdyń shyǵysyndaǵy Fýtszıan provıntsııasynyń Tsınkoý qalasynda kólik júrgizýshisi jaıaý júrginshiler men velosıpedshilerdi qasaqana qaqqan.
Saldarynan 6 adam qaza taýyp, 13 jaraqat aldy. Ajal qushqandardyń úsheýi bala. Bul týraly seısenbi kúni jergilikti BAQ habarlady.
Polıtsııanyń aldyn ala boljamynsha, Lın degen azamat bundaı áreketke otbasyndaǵy problemalardyń týyndaýy saldarynan barǵan.
Belgili bolǵandaı, Munyń aldynda bolǵan sotta áıeliniń ajyrasý týraly aryzy qaralǵan. Shyǵa sala kóligine otyrǵan Lın qatty jyldamdyqpen júrgen, ádeıi jaıaý júrginshilerdiń jolyna shyǵyp ketip adamdardy qaqqan. Osylaısha 2 shaqyrymdaı júrip ótken. Mundaı áreketi jalǵasa berer me edi, áıteýir kóliginiń buzylýy tosqaýyl bolǵan.
Oqıǵa ornyna kelgen polıtseıler Lındi birden qolǵa túsire almady. Óıtkeni ol mashınasyndaǵy benzın quıylǵan kanıstr men pırotehnıkany jaǵyp jiberemin dep qorqytqan. Qylmyskerdiń nazaryn aýdarýdyń oraıy kelip, órt sóndirýshiler arnaıy tehnıkalarymen keleńsiz oqıǵanyń aldyn aldy. Al tártip saqshylary bolsa, júrgizýshini quryqtady.
