Júrgizilip jatqan reformalar demokratııalandyrýdy kózdeıdi - Máýlen Áshimbaev
Jańa alańnyń alǵashqy otyrysyn Máýlen Áshimbaev ashty. Ol qazirgi tańda elimizde Memleket basshysynyń bastamasymen Jańa Qazaqstan qurý jolynda keshendi reformalar iske asyrylyp jatqanyna nazar aýdardy.
«Júrgizilip jatqan reformalar saıası júıeni keshendi transformatsııalaýdy jáne demokratııalandyrýdy kózdeıdi. Jańa Qazaqstan baǵdary quqyqtyq jańǵyrtýdan aýqymdyraq jáne ol ekonomıkalyq, áleýmettik, qundylyq sııaqty kóptegen basymdyqtardy qamtıdy. Bul iste ıntellektýaldyq baǵyttyń da mańyzy zor. El damýynyń jańa kezeńindegi mindetterdi iske asyrý úshin sapaly ıntellektýaldy qoldaý jáne zııatkerlik áleýetti arttyrý qajet», – dedi Máýlen Áshimbaev.
Onyń aıtýynsha, mundaı bastama sarapshylarǵa, analıtıkterge, ǵalymdar men ıntellektýaldarǵa mol múmkindik beredi.
Máýlen Áshimbaev atalǵan joba aıasynda Jańa Qazaqstannyń kún tártibin talqylaý jáne el damýynyń strategııalyq baǵyttary boıynsha bastamalar men usynystardy birlesip ázirleý josparlanyp otyrǵanyn aıtty.
Senat spıkeri ıntellektýaldy keńistiktiń taǵy bir mindeti elimizde júrgizilip jatqan reformalarǵa qatysty ózekti máseleler boıynsha qoǵamdaǵy mazmundy jáne syndarly dıskýrsqa qoldaý bildirý ekenin atap ótti.
Otyrys barysynda qatysýshylar Qazaqstannyń jańa geosaıası jaǵdaıdaǵy orny týraly oı órbitti. Soǵan oraı Máýlen Áshimbaev jyl basynda elimiz qańtar oqıǵasyna baılanysty ishki daǵdarysqa tap bolǵanyna nazar aýdaryp, Jańa Qazaqstan baǵdary sol tyǵyryqtan shyǵar jol ekenin tilge tıek etti. Sondaı-aq shıelenise túsken geosaıası ahýalǵa baılanysty syrtqy faktorlardyń elimizge áseri de áńgimege arqaý boldy.
Іs-sharada Qazaqstannyń halyqaralyq qoǵamdastyqtaǵy orny, qazirgi syn-qaterler men qaýipter, búgingi geosaıası jaǵdaıdaǵy elimizdiń syrtqy saıası strategııasynyń jekelegen aspektileri jáne basqa da taqyryptar keńinen talqylandy.
Aldaǵy ýaqytta joba aıasynda belgili qazaqstandyq jáne sheteldik ıntellektýaldarmen kezdesýler ótkizý kózdelip otyr. Odan bólek, kitaptardy tanystyrý jáne talqylaý, ishki jáne halyqaralyq jaǵdaıǵa qatysty mańyzdy taqyryptar boıynsha pikirtalas uıymdastyrý, sondaı-aq, taldamalyq zertteýler ázirleý sııaqty mindetter bar.
Otyrysta Taras Shevchenko atyndaǵy Kıev memlekettik ýnıversıtetiniń professory, fılosofııa ǵylymdarynyń doktory Andreı Baýmeıster, Qazaqstan Respýblıkasynyń Prezıdenti janyndaǵy Qazaqstan strategııalyq zertteýler ınstıtýtynyń dırektory Erkin Tuqymov, osy Instıtýttyń bas ǵylymı qyzmetkeri Murat Laýmýlın jáne taǵy basqa belgili sarapshylar sóz sóılep, talqylanǵan taqyryp boıynsha oılarymen bólisti.
