Júrekten júrekke: Aqmolalyqtar Almatydan gýmanıtarlyq kómek aldy
KÓKShETAÝ. KAZINFORM – Aqmolalyqtar sý tasqynynan zardap shekkenderge Almaty qalasynan jiberilgen gýmanıtarlyq kómekti qarsy aldy.
Bıylǵy jyldyń 3 sáýirinde Qazaqstan halqy Assambleıasynyń bastamasymen sý tasqynynan zardap shekken barlyq qazaqstandyqtarǵa kómek kórsetýge baǵyttalǵan «Júrekten júrekke» aktsııasy bastaldy.
Aktsııa aıasynda Almaty qalasynan Aqmola oblysyna jiberilgen gýmanıtarlyq kómek kelip jetti.
Qazaqstan halqy Aqmola assambleıasy, etnomádenı birlestikteri men qoǵamdyq qurylymdarynyń basshylary, eriktiler gýmanıtarlyq júk tıelgen kólikterdi Kókshetaýdaǵy Dostyq úıi ǵımaratynyń alańynda qarsy aldy.
«Sý tasqyny bastalǵannan beri barlyq óńirlerden kómek kórsetilýde. Ózderińiz biletindeı, Atbasar men Esil qalasynda jaǵdaı qıyn. Qazir olarǵa kómek kórsetilip jatyr. Búgin Almatydan gýmanıtralyq kómek jetti, erteń Pavlodar oblysynan keledi dep kútip otyrmyz. Qalada 500 jýyq, oblys boıynsha 3 myńnan astam erikti jumys isteıdi. Bul ıgi iske barlyq volonterlik uıymdar jumyldyrylǵan», — dedi Aqmola oblysynyń jastar resýrstyq ortalyǵynyń basshysy Dastan Ermekov.
Aıta ketsek, budan buryn Aqmola oblysynda sý basqan aýyldan naýqas áıel qaıyqpen qutqarylǵanyn jazǵan edik.
