Júrekten shyqqan patrıotızmdi qoldaý kerek - Toqaev

QYZYLORDA. KAZINFORM - Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.

— Biz týǵan jerge qamqorlyq jasaý, qoǵamǵa qyzmet etýge daıyn bolý sekildi júrekten shyqqan, naqty isterde kórinis tapqan patrıotızmdi qoldaýǵa tıispiz. Mysaly, «Taza Qazaqstan» jalpyulttyq aktsııasyna belsendi qatysý, eriktiler qozǵalysyna qosylý, qaıyrymdylyq jasaý, áleýmettik kásipkerlikpen aınalysý jáne elimizge paıdaly basqa da jaqsy ister bar, — dedi Memleket basshysy.

Al «Taza Qazaqstan» ulttyq ıdeologııamyzdyń ajyramas bóligine aınaldy.

— Tazalyq halqymyzdyń adal nıeti men taza peıilinen bastalady. Bul – eń aldymen kóshelerdi, úılerdi taza, uqypty ustaý degen sóz. Taza Qazaqstan – ádemi uran da, naýqan da emes, bul kúndelikti qajyrly eńbektiń nátıjesi. Tazalyq tártipti kúsheıtedi, al tártip jaýapkershilikti arttyrady. Osy mańyzdy tujyrymdy urpaqtyń sanasyna sińirý óte mańyzdy. Biz sonda ǵana naǵyz órkenıetti jáne ilgeri qadam basýshy ozyq el bolamyz, — dedi Prezıdent.

Osyǵan deıin Halyqaralyq ekologııa sammıtinde Aral máselesi talqylanatyny týraly jazdyq.