Júrekke jol tabatyn «Joldar»: «Habar» arnasynda premera

ASTANA. KAZINFORM – 12 qańtarda, keshki 22:00–de «Habar» arnasynda «Joldar» atty jańa serıal kórsetile bastaıdy.

Bul serıal poıyzdaǵy shynaıy ómirdi, jolserikterdiń kúndelikti qyzý tirligin kórsetedi. Osy arqyly myńdaǵan jolaýshynyń jaılylyǵy úshin baryn sala eńbek etip júrgen jandardy tereń tanı túsemiz.

Bul ómirde bárimiz — jolǵa shyqqan jolaýshymyz, al poıyzdaǵy sapardyń qyzyqtary taýsylmas áńgimege aınalady. 

Basty keıipker — temirjolda kóp jyl qyzmet etken tájirıbeli jolserik. Al jańa qosylǵan jas ta jigerli áriptester eski tártipti ózgertýge tyrysady. Tájirıbe men jańashyldyq tartysqa túsken ujym ortaq sheshimder izdeýge májbúr bolady.

Serıalda tanymal akterlerden Almat Saqatov, Edil Anarbaı, Gúlshat Takejanova oınaıdy.

Taǵy bir qyzyqty tusy, ómirde temirjol salasynda isteıtin jolserik serıalda óz rólin somdaıdy. Onyń naqty kim ekenin kórip, bilý úshin mindetti túrde serıaldy kórińizder. Qyzyq bolady!

Túsirilim Almatydaǵy temirjolda, temirjol stantsııalarda ótti, sondyqtan ár kadrdan shynaıylyq seziledi.

Jolaýshylar men jolserikterdiń bastan keshkenderi arqyly naǵyz ómir kórsetiledi. 

15 bólimdik qyzyqty ári shýaqty serıal eshkimdi beıjaı qaldyrmaıdy.

Premerany 12 qańtar kúni keshki saǵat 22:00-de «Habar» arnasynan kórińizder!