Júrek jylýy: Jańaarqa aýdanynda qaıyrymdylyq aktsııasy ótti

QARAǴANDY. QazAqparat - Naýryz merekesi qarsańynda Jańaarqa aýdanynda ulttyq qundylyqtar men umytylǵan taǵamdarlyń retseptterin jańǵyrtý boıynsha túrli is-sharalar, sondaı-aq qaıyrymdylyq aktsııalary ótkiziledi.

Bul týraly QazAqparat Qaraǵandy oblysy ákimdiginiń resmı saıtyna silteme jasap habarlaıdy.

15 Naýryz - Jaılaý kúni - Jastar resýrstyq ortalyǵy «Baýyrsaq party» qaıyrymdylyq aktsııasyn uıymdastyrdy. Bul kúni 500 baýyrsaq daıyndalyp, jańaarqalyqtarǵa taratyldy.

Qaıyrymdy ister kúni, 18 naýryzda qaıyrymdylyq is-sharasy «Júrek jylýy aktsııasynaulasty. Ol ulttyq taǵamdardy dáripteýge arnalǵan.

- Aktsııa Jańaarqa aýdany ákimdigimen ishki saıasat bólimimen jáne jastar resýrstyq ortalyǵymen uıymdastyrylǵan. Bizdi aýdan ortalyǵyndaǵy bes balabaqsha men jeke kásipkerler qoldady. Aktsııa barysynda 300 lıtr naýryz kóje jáne 500 baýyrsaq daıyndaldy. Arnaıy bezendirilgen qoraptarda tamaq aýdandyq aýrýhananyń medıtsına qyzmetkerlerine, naýqastar men turǵyndarǵa taratyldy. Osy qaıyrymdylyq is-sharany daıyndaýǵa kómekteskenderdiń barlyǵyna alǵys aıtamyz, - dedi aýdandyq ishki saıasat bóliminiń bas mamany Nurgúl Áýbákirova.