Júrek jetkiliksizdigi bar eki patsıentke úsh kameraly kardıostımýlıator ornatyldy

ASTANA. KAZINFORM – Kardıologııa jáne ishki aýrýlar ǴZI-da CRT-P Amvia Sky qondyrǵysymen júrekti fızıologııalyq yntalandyrý boıynsha sheberlik saǵaty ótti. Bul týraly DSM baspasóz qyzmeti habarlady. 

Bul standartty kardıostımýlıatorlardan, eń aldymen, júrek yrǵaǵynyń ózgergishtigi fızıologııalyqqa jaqyn bolýymen erekshelenedi.

Sondaı-aq, yntalandyrý algorıtmi fızıkalyq jáne psıhoemotsıonaldy júktemelerge jaýap beredi, bul ómir sapasyn jaqsartýǵa jáne yńǵaısyzdyqtyń bolmaýyna yqpal etedi. Aralasý kezinde jergilikti anestezııa qoldanylady.

Eki patsıentke operatsııany arıtmologııalyq qyzmettiń ordınatory Asylhan Parymbekov professor Krzysztof Voczar, MD, PhD (Krakov, Polsha) qatysýymen júrgizdi.

Bul qarynshalyq jıyrylý sınhrondylyǵy buzylǵan, júrek jetkiliksizdigi, sol jaq qarynshanyń lyqsytý fraktsııasy tómendegen, AV blokadasynan, kókirekortasy ablıatsııasynan jáne kardıohırýrgııadan keıingi patsıentter. Olarǵa arnaıy úsh kameraly kardıostımýlıatorlar (CRT-P) qajet.

Sheberlik saǵatyna qatysýshylar kardıoresınhrondy terapııa qaǵıdattarymen tanysty. Onyń klınıkalyq praktıkada qoldanylýy, sonyń ishinde júrektiń ótkizgish júıesi aımaǵyna ımplantattaý kórsetildi.

— Júrektiń ótkizgishtik júıesine baǵyttalǵan CRT-R ımplantattaýy júrek jetkiliksizdigi bar patsıentterde jekelendirilgen terapııa men uzaq merzimdi nátıjelerdi jaqsartýdyń jańa múmkindikterin ashady, — dep atap ótti júrek yrǵaǵy men ótkizgishtiginiń buzylýy bólimshesiniń meńgerýshisi Baǵdat Ahyt.

Operatsııalar sátti ótti. Kardıostımýlıatorlarmen patsıentter qandaı da bir shekteýsiz ómir súre alady. Patsıentter jumys istep, belsendi ómir saltyn ustanyp, sportpen shuǵyldanyp, saıahattap, ushaqpen de usha alatyn boldy. 

Aıta ketelik aýyldaǵy dárigerlerge 8,5 mln teńgege deıin tólem usynǵan TOP–5 óńir belgili bolǵan edi.