Júrek dertine shaldyqqandar qazaqstandyq kardıohırýrgııalyq ortalyqqa Eýropa men Amerıkadan da aǵylýda - ıÝ. Pıa

ASTANA. QazAqparat - Qazaqstannyń kardıohırýrgııalyq ortalyǵynda emdelý úshin alys jáne jaqyn shetelderden naýqastar kóptep kelýde. Bul týraly búgin Ortalyq kommýnıkatsııalar qyzmetinde ótken brıfıngte "Ulttyq ǵylymı kardıohırýrgııalyq ortalyq" AQ basqarma tóraǵasy ıÝrıı Pıa aıtty.

«Qıyn ekonomıkalyq jaǵdaılarǵa qaramastan, Qazaqstandaǵy kardıohırýrgııalyq qyzmet birshama jaqsy qarqynmen damyp kele jatyr dep tolyq senimmen aıta alamyn. Jýyrda bizdiń ortalyqta mınıstr Tamara Dúısenovamen kezdesý boldy. Sol kezdesý barysynda kardıologııalyq jáne kardıohırýrgııalyq qyzmetterdi odan ári damytýdyń bastapqy strategııalyq formalary qabyldandy", - dep atap ótti ıÝ. Pıa.

Onyń aıtýynsha, bul jospardy oryndaýǵa ortalyqtyń áleýeti tolyq jetedi.

"Meniń oıymsha biz bul jospardy oryndaýǵa da qarajat pen qajyr-qaırat tabamyz. Sonyń dáleli retinde aıta keteıin, búginde biz kórshi elderdegi áriptesterimiz kelip, bilim alatyn ortalyqqa aınaldyq. Atap aıtar bolsaq, jýyrda Reseıdiń kardıohırýrgtaryna sheberlik synyptaryn ótkizdik. Sondaı-aq, osy aıdyń sońynda Shyǵys Eýropadan, Taıaý Shyǵystan, Túrkııadan, jáne bálkim Qytaıdan keletin áriptesterimizge sheberlik synyptaryn ótkizýdi josparlap otyrmyz", - deıdi ıÝ. Pıa.

Sonymen qatar, onyń aıtýynsha, búginde astanalyq kardıohırýrgııalyq ortalyqqa alys jáne jaqyn shetelderden naýqas adamdar emdelýge kelýde. Naqtyraq aıtsaq, kórshi elderden, sondaı-aq, Kanada, AQSh, Germanııa jáne Aýstralııadan otandyq kardıohırýrgtar kómegine júginýge kelgen adamdar kóp.