Júrek aýrýlarynyń paıda bolýyna ákeletin ósimdik maılarynyń túri anyqtaldy
ASTANA. 16 qarasha. QazAqparat - Osyǵan deıin paıdasy jaıly aıtylyp kelgen ósimdik maıynyń keıbir túrleri shyndyǵynda júrek aýrýlarynyń asqyný qaýpine ákeledi, dep habarlady RBK.
Qanyqqan mal maıyn jartylaı qanyqqan ósimdik maılaryna aýystyrý olardyń sarysý holesterın deńgeıin tómendetip, júrek aýrýynyń paıda bolýynyń aldyn alýǵa kómek kórsetetindikten qazir áldeqaıda keńinen qoldanysqa endi.
«Bizdiń jumysymyz ósimdik maılarynyń sonshalyqty paıdaly emestigin kórsetti», - dep túsindirdi Ontarıodaǵy densaýlyq saqtaý ǵylymı-zertteý ınstıtýtynan Maıkl Chý men Toront ýnıversıtetinen Rıchard Bazınet.
Avtorlar quramynda kóp mólsherde omega-6, az mólsherde omega-3 bar júgeri men saflor maılarynyń júrekke keri keri áser etetinin aıtyp otyr. Olar zııandy holesterın kórsetkishterin tómendetedi, alaıda qan tamyrlarynyń ólim kórsetkishterin artyrady.
Tájirıbe barysynda, erik bildirgen adamdarǵa qanyqqan maılardy saflor maıy nemese margaınmen aýystyrý usynysy jasaldy. Nátıjesinde olardyń sarysý holesterıniniń deńgeıi tómendegen, alaıda ólim qaýpiniń kórsetkishteri joǵarylǵan.
